Hamilton i pavendosur për të ardhmen e tij në Formula 1

Shtatë herë kampioni i botës, Lewis Hamilton, i cili garon për Mercedes, dëshiron të marrë një pasqyrë të qartë të së ardhmes së tij në ekip përpara pushimit të Formula 1 në gusht.

“Ne nuk duam të nxitojmë asgjë, por mendoj se duhet të jemi të arsyeshëm dhe të bëjmë biseda”, theksoi Hamilton pasi fitoi Çmimin e Madh të Spanjës të dielën.

“Do të ishte mirë të kishim rregulluar diçka të mirë para pushimit në mënyrë që të kemi një pamje të qartë të së ardhmes”, ka shtuar ai, transmeton KP.

View this post on Instagram

A post shared by Lewis Hamilton (@lewishamilton)

Kontrata e Hamilton për vitin 2021 u arrit në muajin shkurt dhe britaniku tha se vonesa nuk pritej.

Lexo po ashtu Me një tejkalim fantastik ndaj Verstappen, Hamilton mbretëron sërish në Spanjë

Ai dhe drejtori i ekipit, Toto Wolff, donin të prisnin derisa britaniku të merrte një titull tjetër për të filluar më pas bisedimet, por kur ishte gati të ndodhte Hamilton u infektua me coronavirus.

Pas përfundimit të sezonit, ishte Wolff ai që u infektua gjithashtu me Covid-19.

“Marrëdhënia jonë bëhet më e fortë çdo vit”, ka deklaruar Hamilton, duke mos përmendur, megjithatë, sa kohë do të dëshirojë të garojë në Formula 1.

WIN 98 fully downloaded for @LewisHamilton ✅ 😉#SpanishGP 🇪🇸 #F1 pic.twitter.com/KeawbIjpXe

— Formula 1 (@F1) May 10, 2021