Haller kryen me sukses operimin e tumorit, lajmi konfirmohet nga Dortmund

Drejtori sportiv i Borussia Dortmund, Sebastian Kehl ka konfirmuar se sulmuesi Sebastien Haller ka pasur një operacion të suksesshëm për të hequr tumorin.

Reprezentuesi i Bregut të Fildishtë u diagnostikua me kancer në testikuj në fillim të këtij muaji duke befasuar botën e futbollit.

Megjithatë, 28-vjeçari, i cili iu bashkua skuadrës gjermane nga Ajaxi në një marrëveshje prej 34.5 milionë euro këtë verë, e ka kaluar me sukses operimin.

Lexo po ashtu Transferi i ri i Dortmundit, Sebastien Haller diagnostikohet me tumor

Lajmi është konfirmuar nga vet Dortmundi, ndërsa lojtari tani do të fillojë rikuperimin e tij pas këtij operacioni.

“Operacioni shkoi shumë, shumë mirë dhe ai është në rrugën e duhur”, ka thënë fillimisht Kehl për 1&1.

“Ai ishte super i qëndrueshëm dhe tepër pozitiv dhe gjithashtu i tha ekipit: “Bëni punën tuaj, jepni gjithçka. Sigurohuni që kur të kthehem, ne jemi ende në garë”. Dhe djemtë do ta bëjnë këtë gjithashtu”.

@BVB, le parole del ds #Kehl su #Haller: "L'ultima operazione è andata a buon fine" 🟡⚫️https://t.co/L99mOI1GTH

— Gianluca Di Marzio (@DiMarzio) July 27, 2022

Nuk është vendosur se kur sulmuesi do të jetë në gjendje të paraqitet për skuadrën e Bundesligës, por Kehl tregoi synimet.

“Ai patjetër do të jetë jashtë për disa muaj”, përfundoi drejtori i Dortmundit. /Telegrafi/