Hajredini: Marrim hua sepse buxheti është në kolaps

Ministri i financave Zoran Stavreski e din më së miri që buxheti është në kolaps. Qeveria merr hua sepse nuk mund ti paguajë harxhimet e rregullta të buxhetit, thotë ish ministri i financave Xhevdet Hajredini në intervistën javore të Radio Evropa e lirë, njofton Telegrafi Maqedoni.

Në konstatimin se Qeveria para disa ditësh mori hua nga kreditorët vendor prej përafërsisht 25 milionë euro dhe në pyetjen, çfarë nëse Qeveria vazhdon edhe më tej me huazim, ai thotë:
”Në fillim dua të them që ne as për së afërmi nuk e kemi idenë për gjendjen e financave publike në Maqedoni. Dua të potencoj edhe se njëra nga vërejtjet në raportet e KE, e cila vazhdimisht përsëritet në vitet e fundit është mungesa e transparencës financiare. Në raportet përmendet edhe menaxhimi i keq me financat publike. Domethënë, ky nuk është mendimi vetëm i ekspertëve dhe qytetarëve të Maqedonisë, të cilët e dëshmojnë dhe e përsërisin vazhdimisht, por përsëritet edhe vlerësimi që menaxhimi me financat publike vështirësohet gjithnjë e më shumë që në fund të arrijmë në situatë që të përsëriten nga vetë ministri i financave konstatimet që i kemi dëgjuar se “vetëm të çmendurit e bëjnë këtë që e bëjmë ne”. Kjo është një situatë faktike e cila tani e arrin kulmin. Në mungesë të burimeve të huaja, meqë Banka Botërore nuk mund edhe më tej të ndërhyjë, ndërhyrje me të cilat mburret ministri i financave se falë lidhjeve të tija ka arritur të ndikojë në garancitë e Bankës Botërore. Nuk ka ku të shkohet. Na pret një periudhë kur do të shpërthejnë kërkesat e shfrytëzuesve buxhetor dhe të kompanive, sidomos atyre ndërtimore përmes të cilëve janë pastruar një shumë e madhe parash përmes projektit Shkupi 2014” thotë Hajredini./Telegrafi/