Hailey Bieber shkëlqen me unazën e re, në eventin Vogue World: Hollywood

Hailey Bieber tërhoqi vëmendjen në eventin Vogue World: Hollywood në Los Angeles, ku debutoi me një unazë të re me dizajn gjarpëri, vendosur pranë unazës së saj të fejesës me diamante nga Justin Bieber.

Ndërkohë, mungesa e këngëtarit në krah të saj vazhdoi të ushqejë spekulime për marrëdhënien e tyre.

Pavarësisht thashethemeve, çifti u shfaq bashkë më herët në një event në Chateau Marmont, ku Hailey u shoqërua nga Kendall Jenner dhe Cara Delevingne, shkruan DailyMail.

Justin, megjithatë, vazhdon të ngjallë shqetësime me postimet e tij në rrjetet sociale.

Së fundmi, ai ndau një mesazh të fshehtë në Instagram, duke pranuar problemet e tij me zemërimin: “Dua të rritem dhe të mos reagoj aq shumë”.

Këngëtari ka ndarë gjithashtu një foto të rrallë të djalit të tij, Jack Blues, duke treguar lidhjen e tyre të ngushtë.

Ndërsa Hailey ka vazhduar të postojë momente me të birin, Justin është shfaqur gjithnjë e më i distancuar, duke nxitur spekulime për gjendjen e tij emocionale dhe situatën e çiftit.

Për fansat, sjellja e tij e fundit ka ngritur pyetje mbi atë që po ndodh pas dyerve të mbyllura. /Telegrafi/