Hadergjonaj vlerësohet edhe si analist, në garë me legjendat zvicerane

Florent Hadergjonaj po kalon pushimet momentalisht në Zvicër pas një viti të suksesshëm në Angli.

Mbrojtësi nga Kosova ka qenë ndër më të mirët te Huddersfieldi në kampionatin anglez.

Në fund të stinorit Florenti është zgjedhur si lojtari më i mirë i ri në klub si dhe i treti më i mirë nga fansat.

E gjatë Kampionatit Botëror, Hadergjonaj ka qenë i ftuar në studion e televizionit shtetëror në Zvicër, SRF për t’i analizuar ndeshjet.

Florenti e analizoi në mënyrë të mrekullueshme ndeshjen Australi – Danimarkë pasi në fushë ishin dy shokët e tij të skuadrës Aaron Moy tek australianët dhe mbrojtësi Jorgensen tek Danimarka.

Falë kësaj analize mbrojtësi i talentuar është futur në mesin e analistëve më të mirë në Zvicër edhe pse i ri në moshë.

E portali i famshëm zviceran 20min.ch ka hapur edhe një sondazh ku mund të votoni për analistin më të mirë në Zvicër.

I pari në këtë garë është legjenda zvicerane Benjamin Huggel, ndërsa aty janë edhe emra të mëdhenj të futbollit zviceran si Martin Schmidt, Mladen Petric, Diego Benaglio, Alexander Frei e të tjerë.

Hadergjonaj aktualisht zë pozitën e 17-të dhe për ta votuar atë duhet të klikoni KËTU. /Telegrafi/