Habit Nicole Kidman, tregon reagimin e çuditshëm gjatë funeralit të babait: E pashë në arkivol dhe nisa të qeshja

Aktorja e njohur Nicole Kidman ka zbuluar një detaj të rrallë dhe tronditës në lidhje me mënyrën se si është përballur me humbjen e babait të saj në shtator të vitit 2014. Ndërsa ndodhej në Singapor, ajo pësoi një reagim emocional mjaft të pazakontë gjatë ceremonisë mortore.

Gjatë një interviste për revistën Elle, Kidman është rrëfyer se ishte aq e prekur nga vdekja e babait, saqë nuk arriti të mbante nën kontroll emocionet e saj në atë moment delikat.

“Unë fillova të qesh në mënyrë të nervozuar, sepse isha totalisht e trishtuar dhe e thyer. Pamja e tij në arkivol më bëri të ndihesha në një mënyrë që trupi im dhe shpirti nuk mund ta përballonin dot. Edhe në kohë të tjera kur kam qenë në situata jo të mira, kam qeshur dhe kjo është perceptuar si e papërshtatshme”.

Kidman shtoi se në ato momente të vështira, ajo kërkonte diçka që do t’i jepte fuqi për të vazhduar të jetonte. “Nëse nuk do të kisha gjetur një mbështetje, ndjeja se mund të vdisja”, shprehet me ndjeshmëri aktorja.

Ajo gjithashtu theksoi rëndësinë e punës së saj në krijimin e hapësirave për eksplorimin e emocioneve dhe eksperiencave të ndryshme të jetës. “Jam me fat që kam një punë që më lejon të eksploroj emocione dhe peizazhe të çuditshme, të pazakonta, të bukura dhe të thella. Jam e përkushtuar për të zbuluar jetën”, u shpreh Kidman.

Për të përmbyllur, Kidman reflekton për përvojën universale të humbjes së prindërve dhe sfidën e përballjes me dhimbjen e thellë.

“Të gjithë e përjetojnë humbjen e prindërve dhe është një ndjenjë e tmerrshme. Më vjen keq që shkatërroj gjithçka, por në të njëjtën kohë po përpiqem të lundroj nëpër një botë të re”, përfundon ajo me një notë reflektimi. /Telegrafi/