Pep Guardiola thotë se një yll i Manchester City do të jetë jashtë fushave për dy muaj për shkak të një dëmtimi, pas humbjes shkatërruese ndaj Brighton.
Man City pësoi humbjen e dytë radhazi në Ligën Premier të dielën. Ata humbën 2-1 ndaj Brighton, pas disfatës nga Tottenham i Thomas Frank fundjavën e kaluar.
Rayan Cherki mungoi nga skuadra e Guardiolës për ndeshjen ndaj Brighton. Pas humbjes, trajneri i City konfirmoi se Cherki do të qëndrojë jashtë për dy muaj për shkak të një dëmtimi.
Sipas një postimi nga llogaria zyrtare e Francës në rrjetet sociale, Cherki ka pësuar një çarje në muskujt e kofshës.
Cherki hyri nga stoli në ndeshjen hapëse të City në Ligën Premier ndaj Wolves dhe shënoi në fitoren 4-0 në “Molineux”. Ai ishte titullar ndaj Spurs, por nuk u paraqit fare ndaj Brighton.
22-vjeçari është zëvendësuar nga sulmuesi i Liverpool, Hugo Ekitike, në skuadrën e Didier Deschamps për ndeshjet e ardhshme gjatë pushimit ndërkombëtar.
Kjo do të thotë se ai pritet të mungojë në ndeshjet e City ndaj Manchester United dhe Arsenalit.
‘Qytetarët’ do të presin skuadrën e Ruben Amorim, Manchester United, në ‘Etihad’ më 14 shtator, përpara se të udhëtojnë drejt ‘Emirates’ fundjavën pasuese.
Cherki gjithashtu pritet të mungojë edhe në dy ndeshjet e para të Manchester Cityt në Ligën e Kampionëve kundër Napolit dhe Monacos./Telegrafi/
