GTA V është loja më e shikuar në Twitch

Gjatë vitit 2021, një numër i madh njerëzish shijuan transmetimin e lojërave të vjetra.

Loja më e njohur në Twitch këtë vit, për sa i përket orëve të shikuara, ishte Grand Theft Auto V.

GTA V kishte gjithsej 2.1 miliardë orë shikime gjatë këtij viti, sipas raportit vjetor të State of the Stream 2021 nga StreamElements dhe faqja e internetit Rainmaker.gg.

Kjo është 1.3 miliard orë më shumë se vitin e kaluar, kur GTA V u shikua me 764 milionë orë.

Në përgjithësi, GTA V është kategoria e dytë më e shikuar në Twitch, pas “Just Chatting”, e cila përfshin kryesisht transmetues që flasin me audiencën e tyre dhe nuk luajnë lojëra.

Në vendin e dytë, këtë vit për nga numri i shikimeve, është kampioni i vitit të kaluar – League of Legends (1.8 miliardë orë krahasuar me 1.4 miliardë të vitit të kaluar).

Kjo pasohet nga Fortnite, Valorant, Minecraft, Call of Duty: Warzone, Counter-Strike: Global Offensive, Apex Legends dhe Dota 2.

Loja e re më e njohur, për nga numri i shikimeve, është New World. Loja zuri vendin e 18-të me 259 milionë orë shikime. /Telegrafi/