Gruevski: Më gjykojnë se desha veturë të blinduar

Ka përfunduar sot seanca gjyqësore për lëndën “Tanku”, ku i akuzuar është ish-kryeministri Nikolla Gruevski, Gordana Jankulloska dhe një tjetër, për blerjen prej 600 mijë eurove të një mercedesi luksoz.

Gruevski është ankuar se janë duke e akuzuar vetëm se ka patur dëshirë të blej veturë, dhe se ka dashur të vizitet me veturë të blinduar, duke pyetur se me çfarë veture duhet të voziten personat që janë nën rrezik të lartë.

Në gjykim ka patur përplasje verbale në mes të prokurores speciale, Lençe Ristoska dhe Gruevskit. Prokurorja ka thënë se me dhunë mund të merret diçka, por jo edhe të jepet, ndërsa Gruevski i është përgjigjur me fjalën popullore se “kadia të paditë, kadia të gjykon”.

Të akutuarit, Gruevski, Jankulloska dhe Popovski u deklaruan se nuk ndjehen fajtor në lëndën “Tanku”.

PSP-ja e akuzon Gruevskin se përmes Jankulloskës ka kërkuar të blihet automjet i blinduar, në mënyrë të jashtëligjshme. Seanca do të vazhdoj më 12 mars, kur do të thirren dëshmitarë./Telegrafi/