Gruaja nga Anglia zbulon një gjë që ‘zvogëlon temperaturën brenda shtëpisë deri në katër gradë – dhe kushton vetëm 3 euro’

Një grua ka bërë një pretendim interesant në këto ditë kur pjesë të Evropës po përballen me temperatura të larta.

Sipas mediave të huaja, përcjell Telegrafi, bëhet fjalë për një grua nga Anglia e cila ka thënë se ka gjetur një mënyrë të lehtë, të lirë dhe interesante – përmes së cilës, ka pretenduar ajo mund të ulni temperaturën e shtëpisë deri në katër gradë – dhe kushton vetëm 3 euro.

Një ide e tillë Jay Virdee, nga Buckinghamshire, i kishte lindur pasi pa një makinë me një mbulesë dielli të madhe në xhamin e përparmë dhe pyeti veten nëse mund ta përsëriste atë në shtëpinë e saj.

Ajo tha se kishte mbetur duke ‘u pjekur’ në dhomën e saj për shkak të nxehtësisë dhe mendoi se mund të përmirësohej nga diçka e tillë, i cili bllokon disa rreze.

Jay, e cila vuan nga sëmundja e mushkërive dhe një gjendje e rrallë autoimune dhe duhet të jetë e shëndetshme dhe e sigurt në mot të nxehtë, provoi “foli të vogla metalike”, por tha se ishte shumë e shtrenjtë sepse asaj i duheshin shumë të tilla për të mbuluar dritaren e saj dhe se duhej të zëvendësoheshin rregullisht pasi që griseshin lehtë.

Folia krijonte gjithashtu një ‘errësirë totale’, të cilën ajo nuk e donte.

Kështu ajo bëri disa kërkime më shumë – dhe përfundimisht zbuloi se një “batanije emergjente prej alumini” funksionoi në mënyrë të përsosur për të freskuar shtëpinë e saj.

Ato thuhet se janë të mëdha dhe të ripërdorshme dhe mjaft transparente – duke reduktuar midis 50-60 për qind të rrezeve të diellit. /Telegrafi/