Gruaja kiliane bëhet njeriu i parë që noton afro 2.50 kilometra në Antarktidë

Një notare kiliane është bërë personi i parë që ka notuar afro 2.50 kilometra (1.55 milje) nëpër ujërat e ftohta të Antarktidës.

Bárbara Hernández, 37 vjeç, një notare në ujëra të hapura, arritjet e së cilës përfshijnë një rekord botëror Guinness për kohën më të shpejtë në not në oqean për 1.85 kilometra (apo ndryshe “Ocean Mile”) përmes Drake Passage në Kilin jugor, dhe kishte veshur vetëm një kostum banje standarde kur u fut në ujin me temperaturë 36 gradë.

Hernández bëri të ditur se noti i saj, që besohet të jetë një rekord i ri botëror për notin më të gjatë në Antarktidë, kishte për qëllim rritjen e ndërgjegjësimit për nevojën për të mbrojtur ujërat e Antarktidës, raporton UPI, transmeton Telegrafi.

“Jam shumë e lumtur dhe kaq e lehtësuar që gjithçka shkoi mirë. Noti në Antarktidë ka qenë një ëndërr që e kam pasur prej vitesh dhe pjesë e ambicies sime të gjatë për të notuar në pjesë të të shtatë oqeaneve të botës”, deklaroi ajo.

“Fizikisht ka qenë tepër e vështirë, por gjithçka ia vlen nëse mesazhi mbi nevojën për veprim urgjent për të mbrojtur këto ujëra të mahnitshme arrin vendimmarrësit, “tha Hernández në një njoftim për shtyp. /Telegrafi/