Gruaja e Lampard është shtatzënë, çifti pret fëmijën e parë të përbashkët

Frank Lampard dhe gruaja e tij, Christine, janë në pritje të fëmijës së tyre të parë të përbashkët.

Çifti që është martuar në vitin 2015, e kanë bërë publik lajmin përmes rrjeteve sociale, ndërsa futbollisti e ka publikuar edhe një fotografi të familjes duke thënë se do të zgjerohet akoma më shumë.

https://www.instagram.com/p/Bi2EesgBbDh/

“Kemi një lajm të gëzuar që duam ta ndajmë me ju. Familja Lampard po rritet! Gruaja ime e mrekullueshme Christine Lampard është shtatzënë dhe ne jemi shumë të gëzuar!”, ka shkruar 39-vjeçari.

Fansat kanë shkruar komente të shumta për ta uruar çiftin që do të bëhen prindër.

Lampard ka dy vajza nga lidhja e mëparshme me ish-të fejuarën, modelen spanjolle Elen Rivas.

Frank dhe prezantuesja Christine janë në lidhje që nga viti 2009, ndërsa ishin fejuar në verën e vitit 2011. Cifti u martua në dhjetor 2015.

Që nga martesa me Lampard, gruaja e tij kishte deklaruar se dëshironte fëmijë me golashënuesin më të mirë në histori të Chelseat. /Telegrafi/