Grenell i përgjigjet Petrit Selimit: Nuk është e vërtetë që SHBA do të heq vizat për kosovarët

I dërguari i posaçëm i Shtëpisë së Bardhë për dialogun Kosovë-Serbi, Richard Grenell ka reaguar ndaj deklaratës së Koordinatorit për Çështje të Mijëvjeçarit, Petrit Selimit, i cili ka thënë se ka mundësi që SHBA-të të heqin vizat për kosovarët brenda 45 ditësh.

“Shuplaka e fortë në fytyrë e BE-së në qëndrimin e saj racist ndaj Kosovës mund të vijë Uashingtoni dhe administrata e presidentit të SHBA-ve, Donald Trump. Mediat e Kosovës raportojnë se SHBA do të njoftojë për udhëtimin pa viza për Kosovën dhe Serbinë në Shtetet e Bashkuara, 45 ditë pas Marrëveshjes për Normalizimin e Ekonomik”, shkruan Selimi.

Ndaj këtij postimi ka reaguar Grenell, duke e mohuar një gjë të tillë.

“Nuk është e vërtetë”, ka shkruar shkurt Grenell, si përgjigje në Twitter, ndaj postimit të Selimit.

Not true again. https://t.co/2Ld3c1rw02

— Richard Grenell (@RichardGrenell) September 5, 2020

Selimi po ashtu kishte shkruar se Shtetet e Bashkuara të Amerikës përmes një granti do t’i mundësojnë Kosovës ndërtimin e një tubacioni të gazit në Maqedoninë e Veriut dhe Greqinë, për të sjellë afër Ballkanit, gazin jo-rus, për të cilën marrëveshje është duke u diskutuar tani sipas tij.

“”Diversifikimi i energjisë” ka të bëjë ndoshta me marrjen e një granti të shpejtë nga SH.B.A. së shpejti për të ndërtuar një tubacion gazi në Maqedoninë e Veriut dhe Greqi duke sjellë gaz jo-rus më afër Ballkanit qendror. E gjithë marrëveshja është duke u negociuar ndërsa flasim. Njoftimi pritet para fundit të vitit”, shkroi Selimi.

Not true. https://t.co/R0p5QiokrG

— Richard Grenell (@RichardGrenell) September 5, 2020

Këtyre postimeve radhazi, Grenell iu përgjigj shkurt: “Nuk është e vërtetë”.

Edhe ministri i Drejtësisë, Selim Selimi, ka thënë se një e arritur e madhe për Kosovën ka ndodhur në Uashington rreth heqjes së vizave nga SHBA-ja.

Lexo po ashtu Selimi: Kosova së shpejti do të hyjë në programin e heqjes së vizave të SHBA-së

Ai tha se Kosova tashmë ka hyrë në programin e SHBA-së për heqjen e vizave dhe tanimë janë disa procedura që duhet kryer.

“Grenell dhe O’Brien u zotuan se shpejt Kosova do të hyjë në programin e heqjes së vizave të SHBA-së. Ky program është një proces që duhet ta kalojmë”, tha ai./Telegrafi/