Google ofron Wi-Fi pa pagesë

Nëse keni në plan të udhëtoni ose tashmë jeni në SHBA gjatë këtij muaj, mund të keni komoditetin e qajes në Wi-Fi pa pagesë.

Kështu deklaroi Boingo, një kompani amerikane për shërbimet e rrjetit, e cila në bashkpunim me Google po sponzorojnë rrjet pa pagesë në 400,000 pika në Amerikë, duke përfshirë 15 aeroporte, një numër hotelesh, qendra tregtare si dhe stacionet e metros në Manhattan.

Shërbimi pa para do të qëndroj gjatë muajit shtator. Google dhe Boingo kanë thënë se qasje në rrjet do të kenë telefonat ose tabletët Android duke u përcjellur nga Windows dhe laptopët Macintosh. Përdoruesit e iPhone dhe iPad do të lihen jashtë shërbimit.

Marrëveshja vjen si shtesë e ofertës paraprake të dy kompanive qe kishte filluar me lëshimin e rrjetit Wi-Fi pa pagesë në stacionin e metros në Manhattan në fillim të verës dhe disa qendrave tregtare në muajin e kaluar.

Së fundi, Google ka lëshuar ofertën e re të saj Google Fiber duke u ofruar qytetarëve të qytetit të Kansas, qasje super të shpejtë të rrjetit me shpejtësi 100 herë më të madhe se rrjeti i zakonshëm. /Telegrafi/