Goditi me grusht kryeministren daneze, dënohet me katër muaj burgim polaku

Një polak është shpallur fajtor për sulm, pasi goditi me grusht kryeministren daneze Mette Frederiksen.

Një gjykatë në Kopenhagë e dënoi atë me katër muaj burg, dëbim dhe ndalim të hyrjes në Danimarkë për pesë vjet, transmeton Telegrafi.

39-vjeçari, emri i të cilit nuk bëhet i ditur, i tha gjykatës të martën se kishte pirë shumë për të kujtuar atë që ndodhi.

Frederiksen pësoi lëndime të lehta kur u godit me grusht në shpatull, gjatë takimit në një shesh të qytetit në qershor.

Përveç akuzës për dhunë ndaj një nëpunësi publik, burri u shpall fajtor edhe për disa akuza për mashtrim dhe ekspozim të pahijshëm në lidhje me incidente të tjera.

Pas vuajtjes së dënimit me burg ai do të deportohet dhe do të duhet të paguajë edhe shpenzimet e çështjes. Frederiksen nuk iu kërkua të paraqitej si dëshmitare në gjyq.

I pandehuri ishte deklaruar i pafajshëm për akuzën për sulm, por fajtor për disa nga akuzat e tjera. Ai tha se kishte pirë shumë për të kujtuar atë që ndodhi, dhe ishte duke kaluar një “ditë të keqe” kur u përball me Frederiksen. /Telegrafi/