Glavçev: Shkupi dhe Sofja duhet të punojnë në uljen e tensioneve

“Në takimin e djeshëm me kryeministrin e Maqedonisë, Hristijan Mickoski, biseduam për nevojën e normalizimit të marrëdhënieve të ndërsjella dhe kthimin e tyre në nivelin e vitit 2017 kur u nënshkrua Marrëveshja e fqinjësisë së mirë”, tha kryeministri bullgar Dimitar Glavçev para fillimit të vazhdimit të sotëm të Samitit të NATO-s në Uashington.

“Të dy ishim të këtij mendimi, kështu që do të shohim se çfarë do të ndodhë. Nuk ka asgjë më të mirë se marrëdhëniet e mira dhe të mira mes fqinjëve. Madje mund të thuhet se ne jemi më shumë se fqinjë me Republikën e Maqedonisë së Veriut”, shtoi Gllavçev.

Kryeministri bullgar theksoi se tensionet në marrëdhëniet e ndërsjella duhet të zvogëlohen, para së gjithash në deklarata, sepse nuk ka tensione mes qytetarëve dhe popujve të dy vendeve fqinje dhe nëse politikanët nuk ndihmojnë në zhvillimin e këtyre marrëdhënieve, ata nuk duhet t’i pengojnë.

Sipas tij, kur bashkëpunimi është në nivel të kënaqshëm, lidhja duhet të fillojë të zhvillohet në të gjitha aspektet, si në transport, në ekonomi dhe fusha tjera.

“Por duhet të përmbushen edhe detyrimet që janë marrë. Këtu nuk po flas vetëm për Maqedoninë e Veriut, por edhe për të gjitha vendet e Ballkanit Perëndimor. E shihni që ne nuk i ndajmë ato. Qëndrimi ynë është edhe qëndrim evropian që të gjitha vendet kandidate për anëtarësim në BE duhet t’i përmbushin kërkesat e parashtruara për to”, shtoi Gllavçev.