Gjykimi kundër Jankulloskës për “Mercedesin” drejt fundit, më 3 tetor fjalët përmbyllëse

“Përfitimi i realizuar i operatorit ekonomik është në kuadër të përfitimit të zakonshëm nga shitja e automobilit “mercedes C600″, gjegjësisht nuk ka realizuar përfitim ekstra”, theksoi sot në Gjykatën Penale në Shkup, eksperti për punë materiale dhe financiare, Strahil Gligorovski.

Ekspertizën e ka bërë sipas urdhrit të PSP-së për ta konfirmuar përfitimin e pjesës të shitjes së automjetit për seancën e PSP-së në lëndën “Tank”, për çka zhvillohet procedura e ndarë kundër ish-ministres së Punëve të Brendshme, Gordana Jankulloska për furnizimin publik të automobilit të blinduar “Mercedes Guard” në vlerë prej 600 mijë euro në vitin 2012.

Seancën e ardhshme, gjykatësja Dobrila Kacarska e caktoi për më 1 tetor kur duhet të merret në pyetje dëshmitari i fundit dhe personi teknik i mbrojtjes si dhe të kryhen edhe dëshmitë shtesë nga të dyja palët.

Ndërsa Gjykatësja Kacarska më 3 tetor i caktoi fjalët përmbyllëse.

Përndryshe, në lëndën e njëjtë për blerjen e makinës luksoze ish-kryeministri Nikolla Gruevski, u dënua me 2 vite burg efektiv./Telegrafi/