Gjykata Penale – Shkup e publikoi protokollin për punë gjatë pandemisë COVID-19

Gjykata Penale – Shkup, në pajtim me rekomandimet e Organizatës Botërore të Shëndetësisë, masat dhe protokollet e autoriteteve shëndetësore në vend për parandalimin e COVID-19, si dhe Vendimit për veprim të gjykatave në kushte të rrezikut të rritur në kohë të pandemisë, sot e publikoi Protokollin për zbatimin e masave për mbrojtje nga COVID-19.

Protokolli u përpunua nga Shoqata e gjykatësve të RMV dhe ka të bëjë me të gjithë të punësuarit (gjykatës, punonjës në gjykatë dhe administratë), si dhe të gjitha palëve (të akuzuar, avokatë, prokurorë dhe përfaqësues tjerë të organeve shtetërore), të cilët hyjnë në gjykatë.

“Protokolli ka për qëllim mbrojtjen e shëndetit të të punësuarve në gjykatë, por para së gjithash mbrojtjen e shëndetit të gjithë qytetarëve, të cilët kanë nevojë për realizim të së drejtës para gjykatës. Njëheri, protokolli në kuadër të të gjitha masave tjera, që i ka ndërmarrë Gjykata penale nga shpallja e pandemisë e deri sot, siguron funksionalitet të gjykatë dhe respektim dinjitoz të të drejtave të garantuara kushtetuese dhe obligimeve të qytetarëve”, thonë nga Gjykata Penale.