Gjoba me para e mbush mend Dembelen, francezi paraqitet një orë para të gjithëve në stërvitje

Ousmane Dembele është njëri nga futbollistët më të talentuar te Barcelona por edhe më problematiku.

Që prej transferimit nga Borussia Dortmund, Dembele ka krijuar probleme tek katalunasit kryesisht me vonesat në stërvitje.

Në stërvitjen e fundit para ndeshjes me Tottenham Hotspur, Dembele ishte paraqitur në qendrën stërvitore dy orë pas pjesës tjetër të skuadrës.

E kjo gjë nuk i ka pëlqyer aspak trajnerit Ernesto Valverde dhe drejtuesve të klubit që e kanë dënuar francezin.

Sipas asaj që ka raportuar Mundo Deportivo, Dembele është dënuar me 200 mijë euro, dënimi më i rëndë në histori të klubit katalunas për një futbollistë.

Duket se ky dënim e ka mbushur mend lojtarin, i cili së fundmi është paraqitur në qendrën stërvitore një orë para shokëve të tjerë të klubit.

Edhe pse ishte vonuar dy orë në stërvitje, Dembele luajti si titullar ndaj Spurs duke shënuar një gol mjaftë të bukur.

Kujtojmë që lojtari mund edhe të largohet nga Barcelona, pasi për të interesim kanë shprehur PSG, Arsenal dhe Chelsea. /Telegrafi/