Gjini për vdekjen e doktor Zararit: Humbje e madhe për sistemin shëndetësor dhe për të gjithë ne

Kryetari i Gjakovës, Ardian Gjini ka shprehur ngushëllime për vdekjen e doktor Kujtim Zararit, i cili humbi jetën si pasojë e COVID-19.

Gjini përmes një postimi në Facebook, ka shkruar se Zarari ishte një doktor i ndershëm dhe i palodhur, i cili na shërbeu gjatë tërë jetës së tij.

“Humbje e madhe për sistemin shëndetësor dhe për të gjithë ne, e cila urojmë të jetë e fundit! Përpjekjet e stafit shëndetësor, për kolegun e tyre ishin të jashtëzakonshme, por fatkeqësisht Dr. Kujtim Zarari humbi betejën kundër COVID-19”, ka shrkuar Gjini.

Lexo po ashtu Vdes edhe një mjek nga COVID-19

Postimi i plotë:

Të nderuar qytetarë,

Jemi thellësisht të pikëlluar me lajmin për ndarjen nga jeta të Dr. Kujtim Zarari, njëkohësisht Drejtor i Qendrës Kryesore të Mjekësisë Familjare në Gjakovë. Një doktor i ndershëm dhe i palodhur, i cili na shërbeu gjatë tërë jetës së tij. Humbje e madhe për sistemin shëndetësor dhe për të gjithë ne, e cila urojmë të jetë e fundit!

Përpjekjet e stafit shëndetësor, për kolegun e tyre ishin të jashtëzakonshme, por fatkeqësisht Dr. Kujtim Zarari humbi betejën kundër COVID-19.

Shprehim ngushëllimet më të sinqerta për familjen Zarari, miqtë dhe kolegët e të ndjerit.

Qytetarë të dashur, edhe një herë, ju lusim për kujdes të shtuar. Respektoni të gjitha rekomandimet e profesionistëve shëndetësorë dhe institucioneve për parandalimin e përhapjes së virusit të rrezikshëm. Të ruajmë jetën tonë dhe më të dashurve tonë.

Nderim i përhershëm për Dr. Kujtim Zarari! /Telegrafi/