Gjini: Njohja e ndërsjellë duhet të kthehet si pikë në dialogun me Serbinë, është qenësore

Nënkryetari i Aleancës për Ardhmërinë e Kosovës, Ardian Gjini pas takimit të partisë ka thënë se njohja e ndërsjellë duhet të kthehet si një ndër pikat më qenësore të dialogut mes Kosovës e Serbisë.

Gjini u shpreh se dialogu është proces që duhet të rishikohet edhe njëherë, ndërsa përveç pikave tjera e marrëveshjeve të rëndësishme që duhet të arrihen, kryesorja është njohja, e cila sipas AAK-së në një të ardhme sa më të afërt duhet të kthehet në tryezën e diskutimit.

“Patjetër, që ne si Aleancë i mbështesim të arriturat që i kemi tash pas marrëveshjes në SHBA. Sidoqoftë, ne mendojmë që dialogun si proces të rishikohet edhe njëherë. Aleanca do të insistoj që disa pika të dialogut të rishikohet edhe njëherë. Do të ketë edhe takime të tjera. Si pikë e dialogut ka qenë edhe njohja e ndërsjellë, por që është hjek, por që Aleanca mendon se kjo pikë duhet të kthehet në një të ardhme të afërt, sepse është pika qenësore. Ka edhe marrëveshje tjera të rëndësishme, por që kjo pikë është më e rëndësishmja”, tha Gjini. /Telegrafi/