Gjenerali i Administratës Trump që tha se Kosova duhet të bëhet me ushtri

James Mattis, gjenerali legjendar amerikan që tash në Administratën e Donald Trumpit do të ketë rolin e Sekretarit (Ministrit) të Mbrojtjes, tha se Kosova duhet të ketë ushtri dhe se duhet të njihet nga Serbia.

Por, Mattis që nofkën e ka “I çarturi”, ka shumë fjalë të tjera që janë të paharrueshme për këdo që i ka dëgjuar. I njohur për ashpërsinë e tij, por edhe profesionalizimin, Mattis njihet edhe për gjuhën e ashpër të një ushtaraku.

Klankosova.tv iu sjell disa nga thëniet më të paharrueshme të James Mattis;

“Në qoftë se për të vrarë armikun të duhet të vrasësh një të pafajshëm, atëherë mos e shkrep armën. Mos krijo më shumë armiq nga një veprim imoral”.

“Po vije në paqe, nuk kam sjellur as artilerinë. Por, po ju lus me lot në sy; Nëse kruheni me mua, ju vras të gjithëve”.

“Herën e parë që ia hedh dikujt trutë ne erë nuk është ngjarje aq e rëndësishme. Por, janë disa persona të neveritshëm në këtë botë që duhet t’ua fusim plumbin kokës. Janë gjahtarët dhe viktimat, varësisht çfarë disipline keni edhe do të vendosin nëse jeni gjahtari, apo viktima”.

“Ji i sjellshëm, ji profesionist, por gjithmonë ta kesh një plan për ta vrarë këdo që e takon”.

“Unë s’humb asnjë minutë duke menduar mundësinë për dështim. Këtë fjalë as ta shqiptoj nuk di”.

“Një vend që ka armatosur Stalinin për ta mposhtur Hitlerin sigurisht se mund të punojë me armiqtë e Al Qaedas për ta mposhtur Al Qaedan”.

“Disa njerëz mendojnë se për ta vrarë dikë duhet ta urresh, unë s’mendoj ashtu. Është thjesht biznes”.

“Marinsat s’dinë ta shqiptojnë fjalën disfatë”.

“Centimetrat më të rëndësishme në një fushëbetejë janë ato nga njeri vesh në veshin tjetër në fytyrën tuaj”.

“Gjejeni armiqtë që duan t’i japë fund demokracisë amerikane dhe vriteni secilin prej tyre, derisa të jenë aq të lodhur nga vrasjet sa të na lënë rehat ne dhe lirinë tonë të paprekur”.

“Tradhtia ka ekzistuar për aq kohë sa ka pasur luftë dhe gjithmonë janë ca njerëz që s’mund t’u zësh besë”.

“Lufto me zemër të lumtur”.

“Në Afganistan ka burra që rrahin gratë deri në pesë vjet, sepse nuk kanë vënë ferexhe. Janë burra pa burrëri. Ndaj është goxha qejf t’i vrasësh. Është qejf të luftosh me ta. Është qesharake. Disa njerëz është qejf t’i vrasësh. Unë do të jem atje me ju. Më pëlqen përleshja”.

“Ne u tërhoqëm në mirëbesim, për t’u dhënë mundësinë ta zgjidhni vet problemin. Do të ulem me ju për një minutë. Do të kërkoj të mos kaloni vijën e kuqe. Sepse ndryshe të mbijetuarit do të shkruajnë për atë që kemi bërë këtu për 10 mijë vjet”. /Klan Kosova/