Poezi nga: Bertolt Brecht Përktheu: Faslli Haliti
Tanku yt është një makinë e fuqishme.
Rrafshon një pyll dhe përlan qindra njerëz.
Por ka një të metë:
i duhet një tankist.
Gjeneral, bombarduesi yt është i fuqishëm.
Fluturon më shpejt se një furtunë
Dhe mban më shumë se një elefant.
Por ka një të metë:
i duhet një mekanik.
Gjeneral, njeriu bën gjithçka.
Mund të fluturojë e mund të vrasë.
Por ka një të metë:
mund të mendojë.
