Gjatë qëndrimit në Kosovë, BlackCofee u vesh nga brendi vendor “Bukur”

Në natën e parë të festivalit të shumëpritur “Sunny Hill”, artisti me reputacion botëror Black Coffee elektrizoi atmosferën duke sjellë një performancë të paharrueshme për të gjithë adhuruesit e muzikës elektronike.

DJ-i i famshëm, emri i vërtetë i të cilit është Nkosinathi Innocent Maphumulo, u shfaq jo vetëm me profesionalizmin e tij të njohur, por edhe me një stil të veçantë që e dallonte nga të tjerët.

Për këtë natë të veçantë, veshjen e fituesit të çmimit ‘Grammy’ u përkujdes brendi kosovar ‘Bukur’, krijuar nga disenjatorja e njohur Blerina Kllokoqi – Rugova. Black Coffee shfaqej i veshur me elegancë dhe stil, duke i dhënë një dimension të ri performancës së tij muzikore.

Veçanërisht, ai tërhoqi vëmendjen me një kapelë ngjyrë jeshile që mbante në qendër logon e brendit ‘Bukur World’, duke kombinuar kështu artin muzikor me atë të modës.

View this post on Instagram

A post shared by BUKUR (@bukurworld)

Ky bashkëpunim mes një artisti të kalibrit të Black Coffee dhe një stiliste të talentuar kosovare është një dëshmi e fuqisë së artit dhe kulturës për të bashkuar njerëzit dhe për të krijuar momente unike dhe të paharrueshme.

Nata e parë dhe e dytë e “Sunny Hill” u shndërruan në një spektakël të vërtetë, ku muzika dhe moda u ndërthurën në mënyrë të përkryer, duke lënë një përshtypje të jashtëzakonshme tek të pranishmit. /Telegrafi/