Gjashtë arsye pse keni kruajtje vagjinale!

Kruarjet vagjinale mund të jenë të pakëndshme në shumë mënyra

Përveç shqetësimin se çfarë po ndodh, jo pak herë vajzat i shoqëron edhe ndjesia e turpit për të pyetur rreth kësaj problematike.

Cilat janë disa nga arsyet pse ju keni kruarje vagjinale?

Lori Harrison, infermiere e kujdesit shëndetësor për gratë, thotë:

“Mendoni për zonën vagjinale. Është e ngrohtë, e errët dhe e lagësht pothuajse gjatë gjithë kohës. Është ambienti perfekt për kruajtje dhe acarim. Për fat të mirë, zakonisht kjo është lehtësisht e trajtueshme.”

Më poshtë, Harrison dhe Dr. Draion M. Burch, gjinekolog, shpjegojnë shkaqet e zakonshme të kruajtjes vagjinale, shkruan Seventeen.

Infeksionet

Ato janë të bezdisshme, por super të zakonshme. “Candida (një lloj i zakonshëm i majave që mund të çojë në infeksione mykotike) është gjithmonë i pranishëm në trup në sasi të vogla,” shpjegon Dr. Draion. “Por kur aciditeti normal i vagjinës ose ekuilibri hormonal ndryshon, Candida mund të shumohet dhe të shkaktojë probleme.

Lëkurë e ndjeshme

Vagjina është delikate. Ajo reagon ndaj aromave dhe parfumeve duke u irrituar dhe shpeshherë sjell kruarje. Nëse kruajtja është kryesisht e jashtme, mund të jetë thjesht një qime e rritur nën lëkurë, ose një reagim ndaj një produkti vaginal me aromë.

Disa aktivitete, si xhirot me biçikletë apo veshjet e ngushta, mund ta irritojnë gjithashtu vagjinën dhe të shkaktojnë kruarje.

Vagjinoza bakteriale

Jo vetëm që depilimi dhe produktet me aromë mund të shkaktojnë acarim, por ato ndonjëherë mund të shkaktojnë edhe infeksion. Këto gjëra do të vrasin bakteret tuaja të mira, duke lejuar kështu që bakteret e këqija të pushtojnë zonën. Bakteret më pas mund të shkaktojnë kruajtje, rrjedhje të lëngjeve vagjinale, urinim të dhimbshëm dhe madje edhe një erë jo të këndshme.

Gjendje të lëkurës

Ekzema, psoriaza, liken planus dhe sëmundje të tjera kronike të lëkurës mund të ndikojnë gjithashtu në lëkurën e vulvës tuaj. Nëse vëreni njolla të kuqe ose me luspa në lëkurë afër vagjinës, kontaktoni menjëherë mjekun – veçanërisht nëse tashmë keni një gjendje inflamatore të lëkurës në zona të tjera të trupit.

Stresi

Në përgjithësi, stresi i tepërt mund të ndikojë në trupin tuaj në një sërë mënyrash: dhimbje koke, shqetësime në stomak, tension të muskujve, etj. Edhe vagjina nuk është imune ndaj stresit. Stresi prish hormonet tuaja dhe një çekuilibër hormonal mund të shkaktojë kruajtje vagjinale.

Infeksionet seksualisht të transmetueshme

Nëse jeni seksualisht aktiv, nuk mund të përjashtoni plotësisht mundësinë e një infeksioni seksualisht të transmetueshëm, ose IST. Kruajtja vagjinale është një simptomë e infeksioneve të tilla si klamidia, herpesi gjenital, gonorreja dhe trikomoniaza.

Për të zvogëluar rrezikun e marrjes së një infeksioni seksualisht të transmetueshëm, praktikoni gjithmonë seksin e sigurt, citon Anabel.

E rëndësishme: Për secilin prej rasteve të lartpërmendur, duhet të kontaktoni një mjek gjinekolog sa më shpejt të jetë e mundur. /Telegrafi/