Gjakova rikthen turneun “Bashkim Idrizi” në 60 vjetorin e KH “Vëllaznimi”

Kryetarja e Komunës së Gjakovës, Mimoza Kusari Lila, ka pritur sot kryesinë e Klubit të Hendbollit “Vëllaznimi”, me ç ’rast kanë diskutuar rreth shënimit të 60 vjetorit të themelimit të klubit.

Në kuadër të shënimit të 60 vjetorit të klubit si dhe shënimit të përvjetorit të pavarësisë së Kosovës, në këtë takim është biseduar për organizimin e Turneut Memorial “Bashkim Idrizi” i cili planifikohet të mbahet në datat 19, 20 dhe 21 Shkurt, 2016.

Kryetarja Mimoza Kusari – Lila, ka potencuar gatishmërinë e Komunës së Gjakovës për mbështetje të këtyre organizimeve, në veçanti organizimin e turneut “Bashkim Idrizi” i cili këtë vit rikthehet pas 8 viteve nën patronatin e vet kryetares Kusari – Lila.

Kryesia e Klubit të Hendbollit vlerësoi lartë angazhimin e Kryetares për rikthimin e vlerave të mirëfillta të sportit në përgjithësi dhe Hendbollit në veçanti, si dhe vlerësuan gatishmërinë e Komunës në ndihmën me organizimet e ndryshme vendore dhe ndërkombëtare të cilat u mbajtën në Gjakovë gjatë dy viteve të fundit.