Gigi Hadid sërish në shëtitje me vajzën në New York

Ajo sapo ka sjell në jetë vajzën, emrin e së cilës nuk ka bërë të ditur për audiencën e gjerë.

Që tre muaj pasi u bë nënë, Gigi Hadid nuk po i ndalë shëtitjet në New York, së bashku me fëmijën e saj, shkruan Daily Mail.

25-vjeçarja u pa gjatë ditës së djeshme (e premte) duke ecur, së bashku me një mike të saj.

Fytyra e modeles ishte mjaft e mbuluar, derisa mbante një palë syze dhe një maskë mbrojtëse për shkak të COVID-19.

Veshja e saj kësaj radhe ishte më modeste, me një palë pantallona dhe një bluzë të gjelbër të mbyllur.

Flokët bionde ajo i kishte kapur prapa kokës, çka bënin të dukej edhe më atraktive.

Një shëtitje e tillë vjen pasi partneri i saj, Zayn Malik, lansoi albumin e radhës “Nobody Is Listening”. /Telegrafi/