Gërvalla pjesë e takimit të ministrave të BE-së: Banjska ka ndryshuar gjithçka

Ministrja e Punëve të Jashtme dhe Diasporës, Donika Gërvalla po merr pjesë sot në Këshillin e Ministrave të Jashtëm të BE-së, ku do të diskutohet mbi zhvillimet e fundit në rajon dhe sigurinë në Evropë.

Në një postim në “X”, Gërvalla ka thënë se sulmi i 24 shtatorit në Banjskë dëshmon për urgjencën e përballjes me kërcënimet që cenojnë sigurinë.

“Për Kosovën dhe rajonin, sulmi paraushtarak i 24 shtatorit nga Serbia ndryshon gjithçka dhe dëshmon urgjencën e përballjes me kërcënimet e mëdha të sigurisë”, ka thënë ajo.

Ministrat e Jashtëm të Bashkimit Evropian do të zhvillojnë sot një takim në Bruksel nën drejtimin e shefit të diplomacisë evropiane, Josep Borrell.

Takimi do të fillojë në orën 17:30 dhe do të drejtohet nga kryediplomati evropian Josep Borrell. /Telegrafi/

Today, I will participate in the 🇪🇺EU Council of Foreign Ministers to discuss the recent developments and security in Europe.

For 🇽🇰Kosova and the region, the Sep24 paramilitary attack by Serbia changes everything and proves the urgency of dealing with major security threats. pic.twitter.com/QS59xRm51L

— Donika Gërvalla-Schwarz (@gervallaschwarz) November 13, 2023