Gerard Pique, pronar i FC Andorras

Gerard Pique, lojtar i Barcelonës, ka blerë FC Andorra, sipas Diari d’Andorra.

Qëllimi i lojtarit është që ekipin ta bëjë profesionist, duke marrë si shembull rastin e Llagosteras, i cili tani luan në Divizionin e Dytë.

Grupi i tij i biznesit, Cosmos, do të marrë borxhin e klubit dhe marrëveshja, në të cilën është planifikuar të nënshkruhet edhe me një trajner të ri, do të bëhet zyrtar në ditët e ardhshme.

Qendra mbrojtësi katalunas kishte njoftuar muajin e kaluar në një intervistë për “L’Hikip Magazine” qëllimin e tij për të blerë një klub futbolli.

Pas investimit në botën e tenisit, do të vazhdojë të investojë në sport, në këtë rast, në futboll. Ai dëshiron të përfitojë nga një ligj i ri sportiv në principatë.

Lexo po ashtu Formacioni më i mirë i të gjitha kohërave i Ligës së Kampionëve, mbizotërojnë yjet e Barcelonës dhe Real Madridit

Ndryshe, Futbol Club Andorra u themelua në vitin 1942 dhe aktualisht luan në grupin 2 të ligës rajonale të Katalunisë, ku zë pozitën e 11 me 17 pikë.

Ai merr pjesë në Copa el Rey dhe gjithashtu ka një ekip të futsallit. Në vitin 1994, u shpall kampion i Copa Catalunya, duke mposhtur në gjysmëfinale Barcelonën dhe në finale, Espanyolin. /Telegrafi/