Geer: Procesi i skriningut me Maqedoninë e Veriut po shkon mirë

Procesi i shqyrtimit filloi më 15 shtator. Është një delegacion i madh nga Republika e Maqedonisë, i cili ndodhet në Bruksel. Kuptohet se procesi është nisur nga Komisioni Evropian me shpjegime në lidhje me standardet dhe kërkesat që duhet të përmbushë vendi juaj për t’u bërë anëtar i BE-së, ndaj gjithçka po ecën pozitivisht. Vërtet, ka një angazhim të madh nga delegacioni i Republikës së Maqedonisë së Veriut, tha sot shefi i Delegacionit të Bashkimit Evropian në vend, David Geer, përcjell Telegrafi Maqedoni.

Ambasadori evropian vlerësoi se ka një partneritet të madh gjatë skriningut, por theksoi se është një proces i gjatë që kërkon shumë punë dhe shumë angazhim nga të gjitha ministritë e vendit tuaj, ashtu që së shpejti të vijë koha kur në të do të duhet të përfshihet edhe Ministria e Mjedisit dhe Planifikimit Hapësinor.

Ai sqaroi se skriningu fillon me të ashtuquajturat “Themelet” ose “Vlerat Themelore” të BE-së, të cilat mbulojnë sundimin e ligjit, qeverisjen e mirë, reformat në administratën publike dhe menaxhimin e financave publike.

“Të gjitha fushat e tjera janë të përfshira në këtë proces të shqyrtimit sepse bëhet fjalë për 33 kapituj që duhet të negociohen. Pra, praktikisht po flasim për të gjithë kapitujt që kanë të bëjnë me anëtarësimin e vendit tuaj”, shtoi Geer.

Skriningu do të përbëhet nga dy nënfaza, pra procese. Njëri është një skriningu sqarues gjatë të cilit Komisioni Evropian do të përditësojë ligjin përkatës të BE-së, duke qenë se kanë kaluar disa vite nga mbajtja e takimeve fillestare sqaruese dhe në të njëjtën kohë do të zhvillohet edhe procesi i skriningut dypalësh./Telegrafi/