Gazetari rus Arkady Babchenko, për të cilin është raportuar se është vrarë të martën në Kiev të Ukrainës, është i gjallë dhe shëndoshë, raporton BBC.
Babchenko është shfaqur gjatë konferencës për gazetarë në një televizion të Ukrainës gjatë ditës së sotme, transmeton Telegrafi.
Kreu i shërbimit sekret të Ukrainës, Vasyl Hrytsak, ka deklaruar para gazetarëve se "vrasja" e tij ishte inskenuar për të zbuluar agjentët rusë.
Gruaja e Babchenkos kishte deklaruar më herët se ai ishte qëlluar në shpinë derisa po largohej nga apartamenti i tyre. /Telegrafi/
