Gamblemania krijon bendin e tij, premton performanca spektakolare (Foto)

Adrian Berisha ose ndryshe i njohur si Gamblemania është DJ i njohur kosovar, i cili ka thyer shumë rekorde me performancat e tij në skenat e ndryshme të muzikës brenda dhe jashtë Kosovës.

Mirëpo tani, DJ kreativ ka formuar bendin e tij muzikor me të cilin do të miksojë tingujt e muzikës që ai e krijon dhe performancës live të bendit, i cili përpos instrumentistëve ka dhe një MC, i cili rimon në skenë.

“Ky është një format unik i miksimit të muzikës që e bëj unë si DJ me muzikën që performohet live. Një kombinim i tillë nuk ekziston tek ne por as në vendet e rajonit, prandaj ne si grup mund të premtojmë performanca krejt të veçanta në çdo vend ku ne paraqitemi” ka thënë Adrian Berisha aka DJ Gamblemania.

Një formacion i tillë muzikor është tërësisht unik në muzikë, ndërsa performanca e Gamble dhe bendit të tij në këtë sezon veror për herë të parë do të bëhet në Zone Club këtë të premtë.

Ekipi që do të performojë të premten në Zone përbëhet nga Adrian Berisha (Gamblemania), Ardian Bakalli (Daulle), Fatjon Miftari (Tastierë) si dhe Durim Xhema në mikrofon.

Të gjithë ju që dëshironi ta përjetoni një performancë të tillë kaq unike të këtij brendi të sapo-krijuar, rezervoni vendin tuaj në Zone Club gjatë këtij vikendi. Së fundmi, Zone Club ka bërë hapjen e SummerZone, e cila vjen tërësisht e renovuar dhe klubi tani i përngjan skenave të mëdha botërore të muzikës, sepse ambienti i ri i krijuar është i një standardi tepër të lartë për jetën e natës në Kosovë dhe përtej.