Galtier tregon se sa do të jenë gjatë Mbappe e Ramos pas lëndimeve të pësuara

Paris Saint Germain është rikthyer te fitoret në elitën e futbollit francez Ligue 1.

Kryeqytetasit francez kanë triumfuar në udhëtim te Montpellier me rezultat 1-3, ku Fabian Ruiz, Leo Messi dhe Zaire-Emery realizuan golat.

Por qysh në pjesën e parë trajneri i PSG-së, Christophe Galtier u detyrua të largoj nga ndeshja dy yjet e skuadrës Kylian Mbappe e Sergio Ramos.

Si francezi ashtu edhe spanjolli pësuan lëndime dhe trajneri francez ka folur për lëndimet e tyre.

“Sergio Ramos preferoi të largohej dhe të mos rrezikonte për shkak të shqetësimit që ndjeu në aduktorin e tij”, tha Galtier në konferencë shtypi.

“Sa i përket Kylian, ka pasur një sfidë pas një driblimi, ai ka marrë një goditje në gju, pas gjurit, pra në gju dhe në muskul. A është një mavijosje, një hematomë? Nuk e dimë ende se sa do të jetë jashtë”.

“Por gjithashtu kur shikoni rrjedhën e ndeshjeve, padyshim që ai nuk mund të rrezikojë, sepse ne kemi një orar shumë të ngjeshur. Por me sa duket, nuk duket të jetë shumë serioze për asnjërin nga lojtarët”, deklaroi trajneri francez.

PSG është lider në Ligue 1 me 51 pikë, pesë më shumë se ndjekësi më i afërt Marseille. /Telegrafi/