Gabimet që i bëni pa vetëdijen tuaj gjatë muajve të ftohtë

Me arritjen e stinës së vjeshtës dhe të dimrit, lëkura juaj e humb shkëlqimin dhe bëhet e thatë, ndërsa që lëkura e ndjeshme ju bën të kruheni.

Shikoni krejt çfarë i bëni lëkurës tuaj, ngase shpeshherë edhe pa vetëdije e thani.

…Bëni dush të gjatë me ujë tepër të ngrohtë

Ekspertët dhe dermatologët ju këshillojnë që gjatë ditëve të ftohta të bëni dush më të shkurtë dhe të mos e teproni me ujë të ngrohtë, në mënyrë që të mos hiqni nga lëkura yndyrat esenciale.

…Përdorni sasi të tepruar të tonikut

Toniku për fytyrë është i shkëlqyeshëm për freskim të kohë pas kohe, derisa koha është e ngrohtë, por jo edhe gjatë ditëve të ftohta. Toniku mundet t’i largojë yndyrat natyrale nga fytyra juaj, prandaj lëkura juaj do t’i prodhojë më shumë duke ndikuar edhe në paraqitjen e akneve. Toniku që për bazë ka alkoolin në masë të madhe thanë lëkurën prandaj duhet ta shmangni.

…Nuk përdorni kremra për mbrojtje nga dielli

Nga muaji janar deri në dhjetor, pa marrë parasysh ka apo nuk ka diell apo shi, të gjithë do të duhej të vënë krem mbrojtës kundër diellit në hapësirat ku shihet lëkura. Kremin ta keni afër njëjtë sikurse dhe deodorantin, në mënyrë që të reduktoni shfaqjen e rrudhave të imëta.

… Përdorni tepër parfum

Lloje të shumta të parfumeve dhe ujë tualeti përmbajnë alkool, që mundet të shkaktojë tharjen e lëkurës apo edhe të përkeqësojë gjendjen e një lëkure të pëlcitur. Aromën përhapeni në rroba e kurrsesi në lëkurë. Nëse keni lëkurë të ndjeshme harrojeni parfumin.

…Mungesa e hidratimit

Duart tuaja, thembrat, gjunjët dhe qafa kanë më shumë nevojë për hidratim gjatë këtyre muajve. Këto hapësira kërkojnë më shumë vëmendje gjatë stinëve të ftohta.

…Nuk ushtroni

Mungesa e ushtrimeve ndërlidhet me sasinë e shtuar të stresit, mbipeshë dhe mungesë gjumit, të gjithë këta shkaktarë në dëmtimin e lëkurës.

…Dëmtoni lëkurën

Nuk është vetëm moti i ftohtë fajtori kryesor i dëmtimit të lëkurës. Fajtorët e tjerë janë edhe sapunët, vaskat me shkumë, xhel për dush. Prandaj, përdorni banjë me vajra, pajisje për pastrim pa sapunë dhe xhel. /Telegrafi/