Gabigol refuzon kalimin në Las Palmas

Gabriel Barbosa i njohur si Gabigol ka refuzuar një huazim në Las Palmas pasi konfirmoi dëshirën e tij për të treguar cilësitë e veta te Interi.

Drejtori sportiv i Las Palmas, Toni Cruz deklaroi të enjten në mbrëmje se klubi kishte udhëtuar për në Milano për të negociuar një marrëveshje për Gabigol, por braziliani dha një tregues të qartë se ai e kishte refuzuar këtë mundësi.

Lexo po ashtu Las Palmas rrit presionin për Gabigol

“Tani për tani, unë jam duke qëndruar. Jam i lumtur këtu, edhe pse është e vërtetë që nëse nuk luaj, mërzitem”, ka thënë fillimisht Gabigol për Globoesporte.

“Dua të luaj, kështu që shpresoj të marr një vendim së shpejti, por tani për tani mund të them se jam duke qëndruar në Inter”.

“Sezoni im i parë [në Inter] ishte shumë i vështirë, por ende shpresoj të tregoj cilësitë e mia”.

Lexo po ashtu Agjenti: Gabigol nuk shkon te Las Palmas

“Jam një lojtar i Interit dhe jam i lumtur këtu. Kam mësuar dhe jam pjekur. Ndihem si një njeri i ri. Kam pritur më shumë në rrugën e mundësive. Fillimi im këtu nuk ishte siç prisja”.

“Jam duke punuar shumë dhe tani e kuptoj se si punon futbolli italian, i cili është shumë i ndryshëm nga braziliani”.

“Ka kohë për të marrë një vendim për të ardhmen time”, përfundoi talenti brazilian. /Telegrafi/