Fytyra tjetër e Chelseat me Thomas Tuchel: 11 ndeshje pa humbje dhe nëntë pa pranuar gol

Chelsea me ardhjen e Thomas Tuchel në vend të Frank Lampard, ka pasur një seri të mahnitshme në Ligën Premier dhe në Evropë.

Blutë, nga 11 ndeshje me ish-trajnerin e PSG-së në stol, kanë marr tetë fitore dhe vetëm tre barazime, nga të cilat nëntë ndeshje pa pësuar gol.

Skuadra e tij ka pësuar vetëm tre, ndërsa ka shënuar 13.

Një ritëm i rëndësishëm, nga më të mirët në Evropë (vetëm Barcelona ka dal më mirë duke marrë parasysh 10 ndeshjet e fundit).

Gjatë kësaj kohe Tuchel ka fituar ndeshje të rëndësishme si ajo me Evertonin (2-0), që e vulos pothuajse vendin e tyre në zonën e Ligës së Kampionëve.

Fitore të madhe ka marr edhe ndaj Liverpoolit (1-0) dhe Atletico Madridit në Ligën e Kampionëve (1-0).

Me pak fjalë, një punë e jashtëzakonshme e Thomas Tuchel, i cili e vuri në grup në lëvizje që dukej paksa i çrregulluar.

Kishte shumë kritika kur u shkarkua Frank Lampard një muaj e gjysmë më parë dhe erdhi Tuchel që po ashtu ishte shkarkuar nga PSG.

Vendimi për marrjen e trajnerin gjerman nga Chelsea, po del të jetë i qëlluar. /Telegrafi/