Fundjava mbyll gjysmësezonin në Superligën e Maqedonisë së Veriut

Fundjava do të mbyll gjysmësezonin në Superligën e Maqedonisë së Veriut.

Këtë të shtune dhe të diele në program janë ndeshjet e xhiros së 18-të dhe të fundit për këtë vit në kampionatin e Maqedonisë, ku këtë xhiro e hap takimi Gostivari – Makedonija Gjorçe Petrovi, teksa të gjitha ndeshjet tjera zhvillohen të dielën.

Kampionët në fuqi të Superligës dhe liderët aktual të renditjes, Struga Trim Lum ndeshjen e fundit për këtë vit do ta luajnë ndaj Bregallnicës së Shtipit. Nga ana tjetër, Shkupi e mbyll gjysmësezonin në Strumicë, aty ku do të përballet me skuadrën e Brerës, përderisa Shkëndija në Tetovë do të pret Sileksin e Kratovës.

Skuadra tjetër shqiptare nga Ohri, Voska Sport do të luaj në shtëpi dhe do të pret Rabotniçkin, ndërsa në ndeshjen tjetër Vardari përballet me Tikveshin.

Të gjitha këto sfida janë programuar të luhen në termin të njejtë, duke nisur nga ora 13:00. Me mbylljen e kësaj xhiroje, Superliga e Maqedonisë së Veriut shkon në pauzë dimërore dhe rikthehet me 18 shkurt me ndeshjet e xhiros së 19-të në program. /Telegrafi/