FSSH: Gjatë sulmit kibernetik, nuk ka rrjedhje të të dhënave jashtë bazave tona

Fondi i Sigurimeve Shëndetësore të Republikës së Maqedonisë së Veriut informon se sulmi kibernetik me të cilin po trajtohet po ndodh pikërisht para migrimit të planifikuar të infrastrukturës së sistemit dhe se nga analizat e ekipeve të ekspertëve rezulton se nuk ka rrjedhje të të dhënave jashtë bazës së të dhënave të këtij institucioni.

Ekipet teknike të FSSH-së, theksojnë nga atje, i japin përparësi rikthimit sa më të shpejtë në funksion të sistemit për ekzekutimin e pagave të punonjësve shëndetësorë, si dhe për format e tjera të pagesës, pra pushim mjekësor, pushim të lehonisë dhe refundatet.

“Analiza e ekipeve teknike të ekspertëve konstatoi se gjatë sulmit kibernetik nuk ka pasur derdhje të të dhënave jashtë bazave të të dhënave të Fondit. Ekipet teknike i japin përparësi rikthimit sa më të shpejtë në funksion të sistemit për pagimin e pagave të punonjësve shëndetësorë, si dhe për format e tjera të pagesës, p.sh. pushim mjekësor, lehonisë dhe refundatet.

Në interes të informimit transparent dhe të saktë të publikut, sa më shpejt që të jetë e mundur, dhe sapo të përcaktohen më shumë informata, Fondi do të informojë me kohë”, thonë nga Fondi i Sigurimeve Shëndetësore./Telegrafi/