Fryrja e qirinjve të tortës së ditëlindjes është ide e keqe – shkenca e shpjegon se përse

Ndoshta është e vështirë të besohet, por edhe një gjë e pafajshme siç është torta e ditëlindjes me qirinj shumëngjyrësh mund të bart rreziqe.

Me siguri se kur e shihni një torte të tillë vetëm e mendoni një dëshirë dhe dëshironi t’i fryni ata qirinj para tjerëve që ju duan më së shumti, transmeton Telegrafi.

Por, me siguri nuk e keni menduar asnjëherë se çfarë ndodh kur e bëni këtë.

https://www.facebook.com/telegraficom/videos/1168144913389555/

Një studim i ri tani mund t’ju bëjë të mendoni dy herë para se ta bëni këtë gjë.

Shkencëtarët e kanë studiuar këtë fenomen dhe kanë zbuluar se faktikisht mund të jenë rreth 1,500% më shumë mikrobe në torte nëse veç i fryni qirinjtë.

Sipas eksperimenteve, mesatarisht fryrja e qirinjve të tortës e rritë numrin e baktereve përreth për 15 fish – madje, në disa raste, deri në 120 fish.

Kjo nënkupton se rezultatet mund të dallojnë nga personi në person. Disa njerëz e transferojnë një oqean bakteresh, e disa tjerë jo.

Por, shkencëtarët gjithashtu thonë se kjo gjë nuk është edhe aq brengë e madhe shëndetësore.

Përpiquni ta mbani mend sa herë e keni bërë këtë gjë dhe sa herë ju ka rastisur të sëmureni.  /Telegrafi/