I frikësohen ‘spiunëve’, Dortmundi nuk do ta bëj stërvitjen e zakonshme në Santiago Bernabeu para përballjes me Realin

Real Madridi dhe Borussia Dortmund do të përballen të martën mbrëma në ‘Santiago Bernabeu’ në kuadër të Ligës së Kampionëve.

Kampioni në fuqi i Evropës synon të rikthehet te fitoret pas asaj humbjes befasuese nga Lille, derisa gjermanët pas dy fitoreve radhazi kërkojnë vazhdimësi të rezultateve pozitive.

Në përpjekje për të mbajtur të fshehura strategjitë e tyre, Borussia Dortmund nuk do të zhvillojë seancën e zakonshme stërvitore në Santiago Bernabeu.

Në vend të kësaj, trajneri Nuri Sahin ka zgjedhur të stërvitet në Gjermani për shkak të shqetësimeve nga spiunët.

✨ Abschlusstraining vor #RMABVB läuft! 💪 pic.twitter.com/EAy6Pj60D7

— Borussia Dortmund (@BVB) October 21, 2024

Vendimi i Sahin synon të parandalojë Real Madridin që të kuptojë taktikat e Dortmundit. Kjo qasje pasqyron natyrën konkurruese të të dyja skuadrave në këtë përballje vendimtare.

Sahin që më parë ka qenë një futbollist i Real Madridit ka thënë se nuk është aspak i shqetësuar nga përballja me Los Blancos.

⭐️UCL-MODUS 🔛 pic.twitter.com/v5SI04RCkp

— Borussia Dortmund (@BVB) October 20, 2024

“Nuk jam aspak i shqetësuar për Real Madridin. Jam i bindur se analistët tanë janë përgatitur për ndeshjen. Kam parë edhe një ose dy ndeshje të Real Madridit gjatë pushimit ndërkombëtar”, ka deklaruar Nuri Sahin. /Telegrafi/