Fortnite vjen në versionin e ri ‘Top Secret Season 2, Chapter 2’

Në versionin e ri ‘Top Secret Season 2, Chapter 2’, Fortnite është kthyer në një formë shumë të fshehtë dhe funksionon në stilin e James Bond.

Bazuar në pamjet e shpërndara, që tregojnë se çfarë përmban video-loja, shihet se është e mbushur me spiunë, që vëzhgojnë me qetësi situatën dhe më pas raportojnë në pajisjet e kapura për rrobe, transmeton Telegrafi.

Derisa mbizotëron ngjyra e arit, me të njëjtën ngjyrë vjen edhe një ombrellë, e cila hapet dhe iu mundëson lojtarëve që të largohen apo të ikin kur kanë nevojë.

Sikur tregon muzika në sfond, video-loja do të jetë në stilin e një melodrame, me shumë të papritura drithëruese për ata që dëshirojnë të luajnë.

Kur spiunët të kenë përfunduar obligimet e tyre, ata shihen në një tavolinë me Midas, që shihet duke e përkëdhelur një mace me përmasa çuditërisht të mëdha.

Të interesuarit për këtë version të Fortnite, duhet ta shkarkojnë apo ta përditësojnë aplikacionin, që të bëhen pjesë e këtyre aventurave të reja. /Telegrafi/