Formacioni i mundshëm i Kosovës ndaj Spanjës, Challandes me tri ndryshime

Përzgjedhësi Bernard Challandes pritet t’i bëjë së paku tri ndryshime në formacionin titullar në ndeshjen e Kosovës ndaj Spanjës, për dallim nga ajo e fundit ndaj Greqisë.

Përfaqësuesja e Kosovës është nikoqire e Spanjës në ndeshjen e vlefshme për kualifikimet në Kupën e Botës “Katar 2022”.

Ky takim i vlefshëm për Grupin B pritet të zhvillohet me fillim nga ora 20:45 në stadiumin “Fadil Vokrri” në Prishtinë.

Lexo po ashtu Kosova luan sot ndeshjen e madhe kualifikuese ndaj Spanjës

Tashmë të dy ekipet përfaqësuese kanë bërë të gjitha përgatitjet dhe janë gati për të kërkuar rezultat pozitiv.

Por, si pritet të rreshtohet Kosova në këtë ndeshje ndaj një rivali të fortë si Spanja?

Telegrafi mëson se Challandes pritet t’i mbetet besnik skemës 4-3-3, por me disa ndryshime në formacion.

Ndryshimet e Challandes do të jenë tri për dallim nga ndeshja e fundit me Greqinë.

Betim Fazliji në mbrojtje, Florian Loshaj në mesfushë dhe Elbasan Rashani në sulm pritet të jenë tre emrat e rinj të formacionit titullar.

Në portë mbetet Arijanet Muric, ndërsa në mbrojtje Mërgim Vojvoda, Amir Rrahmani dhe Florent Hadergjonaj.

Ibrahim Dresevic dhe Valon Berisha do të jenë në mesfushë, ndërsa në sulm Milot Rashica dhe Vedat Muriqi.

Më poshtë keni formacionin e mundshëm të Kosovës ndaj Spanjës:

View this post on Instagram

A post shared by Telegrafi Sport (@telegrafisport)

/Telegrafi/