Ajaxi është nikoqir i Bayern Munichut për ndeshjen e fundit të fazës grupore në Ligën e Kampionëve.
Skuadra nga Amsterdami është në vend të dytë në Grupin E me 11 pikë, dy më pak se bavarezët që janë në krye.
Të dyja këto ekipe e kanë siguruar pjesëmarrjen në fazën e eliminimit direkt të garës më të madhe evropiane për klube, ndërsa po luajnë për pozitën e parë në grup.
Bavarezëve u mjafton barazimi për të qëndruar në krye, derisa holandezët duhet të arrijnë fitore.
Trajnerët Erik ten Hag dhe Niko Kovac i kanë përgatitur formacionet e tyre për këtë përballje.
Formacioni startues i Ajaxit: Onana - Mazraoui, De Ligt, Wöber, Tagliafico - Frankie de Jong, Blind, Van de Beek - Ziyech, Tadic, Neres.Formacioni startues i Bayern Munichut: Neuer - Rafinha, Boateng, Süle, Alaba - Kimmich, Goretzka - Gnabry, Müller, Ribéry - Lewandowski.
Takimi tjetër i këtij grupi zhvillohet ndërmjet Benficas dhe AEK-ut të Athinës. /Telegrafi/
