Flick me fjalë të mëdha për Gavin, mezi pret rikthimin e tij

Hansi Flick beson se rikthimi i Gavi do të jetë i jashtëzakonshëm për metodat dhe filozofinë e tij në Barcelonë.

Trajneri gjerman ka deklaruar se mezi pret rikthimin e mesfushorit spanjoll te Barcelona, pasi ai e ka parë cilësinë e jashtëzakonshme të tij në stërvitje.

“Mezi pres që Gavi të kthehet. Unë mund të shoh cilësinë e mahnitshme që ai ka në stërvitje”, tha Flick.

“Është e rëndësishme që i gjithë ekipi të ushtrojë presion të lartë, që të gjithë të jenë të përkushtuar”.

“Shikoni mënyrën se si Raphinha dhe Lewandowski shtypin përpara. Lewa shtyp mbrojtësin e parë dhe Raphina shfrytëzon hapësirën me shpejtësinë e tij. Kur ata shtypin kështu, ata motivojnë pjesën tjetër të skuadrës që të ushtrojnë të njëjtin presion dhe të punojnë së bashku”, vazhdoi Flick.

Lexo po ashtu Hansi Flick flet pas fitores dhe lavdëron një lojtar për paraqitjen ndaj Young Boys

“Ne jemi skuadra që e kemi kapur kundërshtarin në pozicion jashtë loje më së shumti këtë sezon. Ne po punojmë mirë për të shtypur lart, për të qenë agresiv, kompakt dhe për të shfrytëzuar hapësirat. Kur ta zotërojmë këtë, do të bëhet më e lehtë, është vetëm një çështje. e rregullimeve”, shton Flick.

Taktika e Barcelonës për shtyp të lartë nën Flick ka funksionuar si një sharm këtë sezon. Ndoshta kjo është arsyeja pse ata kanë shënuar 30 gola deri më tani dhe kanë fituar 8 nga 10 ndeshjet e tyre të para./Telegrafi/