“Flamuri serb le të valojë nga Prizreni deri në Rumijë”, tre lojtarë serbë provokojnë pas ndeshjes ndaj Portugalisë – nuk ka reagim nga FIFA

Lojtarët e Serbisë duket se nuk e kanë problem që sportin ta bëjnë pjesë të politikës dhe kjo u pa edhe në takimin ndaj Portugalisë në ndeshjen që u luajt në kuadër të kualifikimeve të Kupës së Botës që mbahet në vitin 2022 në Katar.

Derisa fituan ndaj portugezëve, tre lojtarë të serbëve pas ndeshjes provokuan me tre gishta të ngritur lartë, por ajo çfarë shkruhej në fanellat e tyre ishte edhe më shqetësuese.

“Gëzohu populli serb”, është ajo që shkruhet në fanellat e lojtarëve, e që është titulli i një këngë serbe, me atë që vazhdon si pjesë: “Flamuri serb le të valojë nga Prizreni (Kosova) deri në Rumijë (Mali i Zi)”.

Another popular song by the same artist runs through a litany of additional cities in BiH and Croatia which are supposedly “ancestral Serb lands”. The map on their shirt also incl sovereign Kosovo. This kind of banal, toxic chauvinism is sadly mainstream in Vucic’s Serbia. https://t.co/DLoNPUNtf7

— Jasmin Mujanović (@JasminMuj) November 15, 2021

Në ato fanella, po ashtu ishte bashkangjitur një hartë që e paraqet vendin tonë dhe Malin e Zi si pjesë të Serbisë.

Kualifikimet për në Kupën e Botës mbahen nën patronazhin e FIFA-s dhe ende nuk ka asnjë reagim nga shtëpia e futbollit botëror.

Natyrisht se veprime të tilla janë të ndëshkuara me rregullore të shtëpisë më të madhe të futbollit në botë, e që pritet që të ketë masa ndëshkuese ndaj tre lojtarëve serbë.

Thirrje kundër Kosovës kishte edhe në takimin që Dardanët e zhvilluan si mysafir i Greqisë, me dhjetëra tifozë që thërrisnin: “Kosova është Serbi”. /Telegrafi/

https://twitter.com/ljubofil/status/1460126562196545536