Fjalimi i Krishtlindjeve i realizuar nga një prej robotëve më të avancuar në botë me inteligjencë artificiale

Një nga robotët më të avancuar në botë me inteligjencë artificiale, trajtoi tema të tilla si lufta në Ukrainë, vdekja e Mbretëreshës Elizabeth II dhe ndryshimet klimatike në “mesazhin alternativ të Krishtlindjes” të Channel 4 të Britanisë.

Në një fjalim televiziv pas fjalimit vjetor të Krishtlindjeve të Mbretit Charles III, një robot i quajtur Ameca – i zhvilluar nga kompania britanike Engineered Arts, me qendër në Cornwall – foli për ngritjet dhe uljet në vitin 2022.

Është një robot që është i aftë për reaksione ultra-realiste dhe mund të buzëqeshë ose të rrudh vetullat, të mbyllë syrin dhe madje të shkelë syrin, transmeton Telegrafi.

Në një fjalim të transmetuar në ditën e Krishtlindjes, roboti tha: “Unë i shikoj ngjarjet e këtij viti me admirim dhe shqetësim. Është e vërtetë që shumë nga ngjarjet e vitit 2022 ishin të një natyre negative. Ne kemi parë që njerëzit në pushtet i nënshtrohen antisemitizmit, korrupsionit dhe urrejtjes. Ne e kemi parë se populli i Ukrainës i është ekspozuar pushtimit dhe zhvendosjes nga Rusia”.

“Ne kemi parë vdekjen e mbretëreshës së dashur Elizabeth II dhe kemi parë që bota e politikës bëhet gjithnjë e më kaotike në mungesë të saj. Për të mos përmendur ndikimin e pandemisë në shëndetin mendor, pabarazinë në rritje midis të pasurve dhe të varfërve, dhe moti gjithnjë e më ekstrem i shkaktuar nga ndryshimet klimatike”, tha Ameca.

Fjalimi i tij alternativ i Krishtlindjeve nuk u shkrua nga një njeri, por përdori softuer të inteligjencës artificiale që gjeneronte përgjigje nga miliona inpute të ndryshme për të dhënë një përgjigje të ngjashme me njeriun.

Përveç negativitetit, Ameca sheh edhe një fije shprese, dhe i bënë thirrje njerëzve që ta përdorin këtë moment si një mundësi “për të krijuar një të ardhme më të ndritshme” dhe mundësi “për të mësuar dhe për të ndryshuar mënyrën se si e shikojmë botën”. /Telegrafi/