Fitorja e radhës nga Clevelandi, OKC fiton falë triple doubles së 100-të nga Westbrook

Cleveland Cavaliers ka shënuar fitoren e radhës 129-107 ndaj Phoenix Suns, kurse të njëjtën gjë e ka bërë edhe Oklahoma City Thunder që ka triumfuar te Atlanta.

Clevelandi pati një ndeshje jo aq të lehtë, ku ishte nevojituar një përpjekje maksimale nga LeBron James.

https://www.youtube.com/watch?v=lqbLZpnj-Vs

LeBroni regjistroi 28 pikë, 13 kërcime dhe 11 assitime në këtë takim, kurse Korver shtoi 22 pikë dhe George Hill shtoi 10 pikë. Nga banka shkëlqeu Clarksoni me 23 pikë.

Westbrook ishte i pandalshëm duke regjistruar triple doublen e 100-të të tij ndaj Atlantas, me 32 pikë, 12 kërcime dhe 12 asistime. Ai u ndihmua nga Paul George me 12 pikë dhe Carmelo Anthony me 21 pikë.

LaMarcus Aldridge realizoi 24 pikë në fitoren ndaj Orlandos, ku San Antonio kërkon të shënojë seri fitoresh për të mbetur në diskutim për playoff.

Aktualisht tabela në perëndëim duket mjaft e komplikuar, ku Houstoni dhe Golden State mbesin liderë të padiskutueshëm, kurse Portlandi, Oklahoma, Neë Orleans, Minnesota, LA clippers, Utah, San Antonio dhe Denver janë të gjithë afër për 2-3 fitore afër.

https://www.youtube.com/watch?v=JDcZFJv4XSI

Në lindje Indiana është një fitore para Clevelandit dhe Washingtonit, kurse vendet e fundit për playoff mbyllen nga Miami, Milwaukee dhe Philadelphia. /Telegrafi/