Fitore për Theresa May, deputetët votojnë kundër vonimit të Brexit-it

Deputetët e Parlamentit britanik kanë votuar kundër një propozimi për të vonuar Brexit në mënyrë që të parandalojë Mbretërinë e Bashkuar të largohet pa një marrëveshje.

Sipas mediave britanike, përcjell Telegrafi, Amendamenti ishte parashtruar nga deputeti i Laburstëve Yvette Cooper, por u refuzua me 23 vota.

Po sipas mediave britanike, deputetët po votojnë për ndryshimet në planin Brexit të kryeministres Theresa May përpara se ajo të kërkojë ri-negociatat e saj me BE.

Kryeministrja u bëri thirrje deputetëve të mbështesin një amendament tjetër që do të propozonte “marrëveshje alternative” ndaj planit të diskutueshëm kundërthënës irlandez.

Zonja May tha se e dinte se kishte një “oreks të kufizuar” në BE për ndryshime në marrëveshjen, por ajo besonte se ajo mund ta “siguronte” atë.

Ajo kishte telefonata me krerët kryesorë të BE-së gjatë gjithë ditës përpara votimit të Parlamentit dhe ka folur tashmë me Presidentin e Komisionit Evropian, Jean-Claude Juncker.

Por BE ka thënë se nuk do të rihapë negociatat dhe do të ndryshojë tekstin ligjor të dakorduar me Kryeministren e Britanisë së Madhe. /Telegrafi/