Fitojnë Prishtina, Hajvalia dhe Besa

Prishtina e ka shënuar fitoren e parë pas tetë ndeshjeve ku nuk dinte se çka është fitorja.

ishtinasit e kanë mposhtur Istogun me rezultat 1:0, në kuadër të javës së 13-të, në ndeshjen e luajtur sot në Prishtinë.

Golin e tri pikëve për skuadrën e trajnerit, Sami Sermaxhaj, e shënoi Shend Kelmendi në minutën e 72-të.

Hajvalia ka arritur që të marr tri pikë të arta në Skenderaj, duke e mposhtur Drenicën me rezultat 3:1, në ndeshjen e luajtur sot në stadiumin “Bajram Aliu” në Skenderaj.

Së pari në epërsi kaloi Hajvalia në minutën e 59-të me golin e mbrojtësit të majtë, Liridon Leci, ndërkaq vetëm dy minuta më vonë, drenicasit barazuan me një gol të bukur të shënuar nga Daulant Dajaku.

Kur të gjithë menduan se kjo ndeshje po shkon drejt barazimit, ashtu nuk menduan dy futbollistët e Hajvalisë, Gëzim Gashi dhe Azem Ahmeti, të cilët realizuan dy gola në minutat 84 dhe 90.

Besa e Pejës i është kthyer fitoreve në elitën e futbollit të Kosovës, duke e mposhtur Vushtrrinë si mysafir me rezultat minimal 1:0. Golin e tri pikëve për pejanët e shënoi, Kastriot Rexha në minutën e 29-të.