Festivali GoEast mbahet prej 18 deri më 24 prill në Wiesbaden, ndërsa sivjet shënon edicionin e XII-të.
Ky festival ndërkombëtar i filmit ka në fokus kinematografinë e Evropës lindore dhe të mesme, ndërsa “Gomaret e kufirit” do të shfaqet në kategorinë “Highlights”.
Është kjo hera e parë që një film i metrazhit të gjate nga Kosova shfaqet në këtë festival.
Të ftuar, si mysafirë në Wiesbaden, janë edhe regjisori Jeton Ahmetaj, aktori Hazir Haziri, si dhe drejtori i QKK-së Fatos Berisha, të cilët pas shfaqjes do të debatojnë rreth filmit në tryezën e organizuar nga organizatoret e festivalit.
Filmi “Gomaret e kufirit” është subvencionuar nga Qendra Kinematografike e Kosovës ne vitin 2008. /Telegrafi/
